Հնդկաստանի արևելյան շրջանի Բիհար նահանգում ջրհեղեղի զոհերի թիվը հասել է 119-ի: Այդ մասին հայտնել է Telangana Today հրատարակությունը՝ վկայակոչելով տեղական իշխանություններին: Ավելի վաղ հաղորդվել էր 41 զոհերի մասին:
Հրատարակության տվյալներով՝ տարածաշրջանում տարհանվել է ավելի քան 400 հազար մարդ, հազարավոր տներ և շենքեր ավերված են: Տեղական իշխանությունները հազարից ավելի ապաստաններ են պատրաստել իրենց տները լքած բնակիչների համար:
Նշենք, որ հորդառատ անձրևները Հնդկաստանի հյուսիսին, Նեպալին և Բանգլադեշին հասել են անցած շաբաթվա վերջին: Ջրհեղեղի հետևանքով Հնդկաստանի հյուսիսում վերջին մի քանի օրվա ընթացքում զոհվել է ավելի քան 100 մարդ, Նեպալում՝ 111 մարդ, իսկ Բանգլադեշում զոհերի թիվը հասել է 57-ի: