ԴԱԻՇ և «Թալիբան» ահաբեկչական խմբավորումների գրոհայիններն Աֆղանստանի հյուսիսային Սարի-Պուլ նահանգում գնդակահարել են ավելի վաղ պատանդված մոտ 40 մարդու։ Այս մասին RIA Novosti-ին հայտնել է նահանգապետ Զաբիհուլա Ամանին։
Գնդակահարությունը տեղի է ունեցել Միրզա Օլանգ շրջանից ոչ հեռու, որտեղ վերջին մի քանի օրերին տեղի ուժայինները կատաղի մարտեր են վարում ահաբեկիչների հետ։
Զոհերի թվում կան կանայք, երեխաներ ու ծերեր։
Տեղի զինված ուժերը փորձում են ազատագրել շրջանը, կենտրոնական իշխանություններից խնդրել են հավելյալ ուժեր և ավիաջակցություն։
