2017 թվականի առաջին եռամսյակի արդյունքներով iPhone-ի արտադրողին է բաժին ընկնում ողջ շահույթի 83.4 տոկոսը, որը ստացվում է սմարթֆոնների համաշխարհային շուկայում։ Այս մասին ասվում է Strategy Analytics վերլուծական ընկերության հաշվետվությունում։ Անցած տարի Apple-ի ցուցանիշը հավասար է եղել 79.8 տոկոսի։
Samsung-ը երկրորդ տեղն է զբաղեցնում սմարթֆոնների համաշխարհային շուկայում շահույթի ցուցանիշով (12.9 տոկոս)։ Եռյակը եզրափակում է չինական Huawei-ը։
Strategy Analytics-ի տվյալներով՝ սմարթֆոնների 300 արտադրողներից մոտ 10-ն են աշխատում շահույթով։
