Ադրբեջանի պաշտպանության նախարարությունը հաղորդագրություն է տարածել արցախա-ադրբեջանական հակամարտ զորքերի շփման գծում տիրող իրավիճակի վերաբերյալ: Հաղորդագրության համաձայն՝ մայիսի 16-ի երեկոյից սկսած հայկական ուժերը կրակ են բացել Ակնայի (Աղդամ) ուղղությամբ՝ կիրառելով նաև «մարտական» անօդաչու թռչող սարքեր։
Ավելի վաղ Արցախի ՊԲ-ն հաղոդրել էր, որ մայիսի 16-ին և լույս 17-ի գիշերը արցախա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից, հրադադարի պահպանման ռեժիմը խախտել է մոտ 60 անգամ՝ հայ դիրքապահների ուղղությամբ արձակելով ավելի քան 900 կրակոց: ՊԲ առաջապահ զորամասերը հակառակորդի նախահարձակ ակտիվությունը ճնշելու համար դիմել են պատասխան գործողությունների և շարունակել իրականացնել մարատական դիրքերի հուսալի պահպանություն: