«Ելք» դաշինքի անդամները, Երևանի քաղաքապետի թեկնածու Նիկոլ Փաշինյանի գլխավորությամբ, քարոզարշավ են անցկացնում Նոր Նորք վարչական շրջանում:
«Ապրիլի 2-ին խորհրդարանական ընտրություններում «Ելք» դաշինքի արձանագրած շատ փոքր, բայց շատ կարևոր արդյունքներով Հայաստանում ի վերջո տեղից շարժվեց դրական փոփոխությունների անիվը, որը երկար տարիներ ժանգոտել, մնացել էր հուսահատ մի կետում:
Մայիսի 14-ին, դուք հնարավորություն ունեք Երևանի քաղաքապետի ընտրություններում ընտրական տեղամասեր գնալով և «Ելք» դաշինքի օգտին քվեարկելով` նոր թափ, նոր ուժ նոր բովանդակություն հաղորդելու փոփոխությունների այդ գործընթացին:
Մենք ձեզ առաջարկում ենք իրականացնել հետևյալ ծրագիրը՝ մայիսի 14-ին Երևանում հաստատված կոռումպացված իշխանությունը փոխարինել արդյունավետ և հաշվետու իշխանությամաբ, Երևանում հաստատված կլանային իշխանությունը փոխարինել ժողովրդի իշխանության և այդպիսով ոչ միայն Երևանում, այլև հանրապետության ողջ տարածքում ձևավորել արդյունավետ հակակշիռ Սերժ Սարգսյանի և ՀՀԿ-ի միահեծան իշխանության նկատմամբ»,- հայտարարեց Նիկոլ Փաշինյանը:
Նա կոչ արեց մայիսի 14-ին գնալ ընտրական տեղամասեր, գլուխները բարձր, դուխով քվեարկել «Ելք» դաշինքի օգտին
«Չհուսահատվեք, ժողովո՛ւրդ ջան, որովհետև Տարոն Մարգարյանի հուսահատության «Գազել»-ներից, մահվան լիֆտերից, աղբի և փոշու ամպերից ելք կա»,- հայտարարեց Փաշինյանը:
Մանրամասները՝ տեսանյութում: