Վրաստանի ոստիկանությունը ձերբակալել է Թբիլիսիի ստրիպտիզ-ակումբներից մեկի աշխատակցին թալանի մեղադրանքով, հայտնում է RIA Novosti-ն` հղում անելով Վրաստանի ՆԳՆ մամլո ծառայությանը:
Հնդկաստանից 2 զբոսաշրջիկ դիմել են ոստիկանություն և հայտնել, որ իրենք դարձել են դրամաշորթության զոհ, քանի որ ակումբի աշխատակիցները իրենց ստիպել են վճարել 3636 լարի (մոտ 1.5 հազար դոլար) 2 բաժակ գարեջրի համար:
Ինչպես պատմել են զբոսաշրջիկները, մարտի 31-ին նրանք մտել են ակումբ, որտեղ գտնվել են 10 րոպե: Նրանք պատվիրել են 2 բաժակ գարեջուր, սակայն մատուցողը բացի դրանից բերել է նաև շամպայն, որն իրենք չեն պատվիրել: Այդ ժամանակ ակումբի աշխատակիցները սկսել են նրանց տեսանկարել: Զբոսաշրջիկները պահանջել են կտրոն, որտեղ նշված է եղել 3636 լարի:
Այն բանից հետո, երբ նրանք բողոքել են, նրանց տարել են առանձին սենյակ, վերցրել են անձնական իրերը, այդ թվում` 200 լարի (82 դոլար) և 500 ռուփի (7.71 դոլար), և քարտից հանել են 3636 լարի: Դրանից հետո վերադարձրել են նրանց դրամապանակները, հեռախոսները և բաց են թողել: