Հալիդ Մասուդը, ով մարտի 22-ին Լոնդոնի կենտրոնում հարձակում էր իրականացրել անցորդների ու ոստիկանների վրա խոհրդարանի շենքի մոտ, գործել է միայնակ՝ պարզել է Լոնդոնի ոստիկանությունը։ Իրավապահները տվյալներ չունեն նախապատրաստվող նոր հարձակումների մասին։ Այս մասին հայտնում է BBC-ն։
Ոստիկանությունը կոչ է արել նրանց, ովքեր ճանաչել են Մասուդին, դիմել ոստիկանություն։
Հարձակման զոհն է դարձել 4 մարդ, ևս 50 մարդ վիրավորել է։
Մասուդը 52 տարեկան էր, ծնունդով Քենթ կոմսությունից։ Մանուկ հասակում նրան անվանել են Ադրիան Էլմս։ Նախկինում նրան պատասխանատվության են ենթարկել մարմնական ծանր վնասվածքներ հասցնելու, զենքի անօրինական պահման և հասարակական կարգի խախտման համար։ Ահաբեկչական գործունեության հետ կապված մեղադրանքներ նրան երբեք չեն առաջադրվել։ Հիշեցնենք, որ հարձակման պատասխանատվությունը ստանձնել է ԴԱԻՇ ահաբեկչական խմբավորումը։