Լոռու մարզում ընտրողների հետ հանդիպման ժամանակ «Ելք» դաշինքի ներկայացուցիչ Էդմոն Մարուքյանը ներկաներից հետաքրրքվեց, թե արդյոք հետևում են «Հանրապետականի» քարոզարշավին:
«Այնպիսի փոփոխություններ են խոստանում, որ մոտս տպավորություն է, որ «Ելք» դաշինքի տեքստն է ընկել կադրի վրա: 17 տարի իշխանության մեջ են, բայց այդ 17 տարին մսխվել է, Հայաստանը հասցրել են այս վիճակին ու ասում են, որ մենք գանք, բայց իրենք եկել են արդեն, փոփոխություն կանենք, էս կանենք, էն կանենք: Աբսուրդ է, բայց դա այն է, ինչ որ ասում են իրենք այս պահին»:
Նրա խոսքով` 17 տարին բավական էր Հայաստանը զարգացնելու ու փոփոխություններ արձանագրելու համար, բայց այդ 17 տարիներին հայաստանը հետընթաց է ունեցել:
Էդմոն Մարուքյանը հորդորեց, որ եթե չեն ուզում, որ ձայները փոշիացվեն, ձայնը տալիս են «Ելք» դաշինքին. «Մենք բարերար չենք ընտրում, մենք ընտրում ենք 21-րդ դարի իշխանություն, որը Հայաստանը կդարձնի պետություն, որտեղ ամեն բան արվում է հանուն մարդու» :
