Սիրիայում ԴԱԻՇ ահաբեկչական խմբավորման դեմ պայքարում հաջողությունները մեծացնում են միջադեպերի ռիսկը տարբեր երկրների ռազմաօդային ուժերի միջև, այդ թվում Ռուսաստանի և ԱՄՆ-ի։ Այս մասին, ինչպես փոխանցում է TASS գործակալությունը, հայտարարել է ամերիկյան ռազմաօդային ուժերի մարտական ավիացիոն հրամանատարության ղեկավար Հերբերտ Կարլայլը։
«Ես միանգամայն կարծում եմ, որ այն (իրավիճակը) կթեժանա»,-ասել է գեներալը։ Նա պարզաբանել է, որ ահաբեկիչների կողմից վերահսկվող տարածքների կրճատումը հանգեցրել է այն բանին, որ Ռուսաստանի, Սիրիայի և ԱՄՆ-ի մարտական ավիացիան այժմ գործում են միմյանց ավելի մոտ հեռավորության վրա։ Կարլայլը հավելել է, որ Ռուսաստանի ու Սիրիայի ՀՕՊ ռադիոտեղորոշիչ կայանները թիրախավորված չեն աշխատում ԱՄՆ ռազմաօդային ուժերի դեմ։
