ԱՄՆ նախագահ Դոնալդ Թրամփը մտադիր չէ Միացյալ Նահանգները դուրս բերել կլիմայի մասին համաձայնագրից: Ինչպես հաղորդում է The Wall Street Journal-ը, նախագահի դուստր Իվանկա Թրամփը համոզել է հորը նման քայլի չդիմել:
Թրամփն իր նախընտրական քարոզարշավի ժամանակ հայտարարել էր կլիմայի փոփոխությունների մասին Փարիզի համաձայնագիրը վերանայելու անհրաժեշտության մասին և մտադրություն էր հայտնել երկիրը դուրս բերել այդ համաձայնագրից:
Ինչպես հաղորդում է թերթը՝ վկայակոչելով իր աղբյուրներին, Թրամփը Փարիզի համաձայնագրի վերաբերյալ հիշատակումը հանել է իր երկու հրամանագրերի նախագծից: Նշվում է, որ Իվանկա Թրամփը և նրա ամուսին Ջարեդ Քուշները «չափավոր» ազդեցություն ունեն Թրամփի հայացքների վրա, որոնք վերաբերում են շրջակա միջավայրին և կլիմայի փոփոխությանը:
Սպիտակ տունը դեռևս չի մեկնաբանել տեղեկատվությունը: