Այս շաբաթ Միսնկը և ՄՈսկավ կարող են լուծել նավթագազային վեճը։ Մինսկը շարունակում է տեղեկատվական հարձակումը Մոսկվայի դեմ՝ ջանքերը կենտրոնացնելով «Ռոսսելխոզնադզոր» դաշնային ծառայության վրա, և դեռևս չի մեկնաբանում գազի պարտքի հետ կապված իրավիճակը։ «Ռոսսելխոզնադզոր»-ի քաղաքականության մասին մերկացնող հայտարարություններով նախօրեին բելառուսական հեռուստատեսության եթերում հանդես է եկել երկրի փոխվարչապետ Միխայիլ Ռուսին: Նա միացել է նախկինում ռուսական գերատեսչության հասցեին հնչեցված քննադատությանը: Բելառուսական արտադրանքի փորձանմուշները վեցրվում են խախտումներով, և լոբբինգ է արվում «որոշակի կառույցների» շահերը՝ գրում է «Նեզավիսիմայա Գազետա»-ն։
Մի քանի օր առաջ այս թեմայով հարցազրույց էր տվել նաև Բելառուսի գյուղատնտեսության նախարար Լեոնիդ Զայացը։ «Դա միտումնավոր է արվում։ Նման խաղացողները, ինչպիսիք են մեր խոշոր ձեռնարկությունները, ուղակի «դուրս են մղվում» ռուսական շուկայից»,-հայտարարել է նա։ Նախարարի կարծիքով՝ այս կերպ նրանք տեղ են բացում «կոմերցիոն կազմակերպությունների համար»։ Միևնույն ժամանակ բելառուսական արտադրանքը շատ կարևոր և պահանջված է Ռուսաստանում՝ համոզված է նախարարը։ Նշվում է, որ «Ռոսսելխոզնադզոր»-ի գործողությունները վարկաբեկում են եվրասիական ինտեգրման գաղափարը:
«Շատ դժվար է բացատրել մարդկանց, թե ինչ է ինտեգրումը, ինչ է ԵԱՏՄ-ն, Մաքսային միությունը: Երբ մեզ ասում են, որ մեր շուկաները բաց կլինեն, երբ մենք քվեարկում և աջակցում ենք քաղաքականությանը, որ կլինի ընդհանուր առևտրային տարածք, իսկ փաստացիորեն հայտնվում է «Ռոսսելխոզնադզոր»-ի ղեկավար Դանկվերտը, Օնիշչենկոն կամ ևս մեկը, որ խաչ է դնում բոլոր այն ձեռնարկումների վրա, որոնք պետությունների և կառավարությունների առաջնորդները պետք է առաջ տանեն»,- հայտարարել է «Միր» միջպետական հեռուստառադիոընկերության ներկայացուցչության տնօրեն Վլադիմիր Պերցովը:
Փորձագետներն ակնկալում են, որ այս շաբաթ ակտիվ փուլ կմտնի դաշնակից երկրների միջև ևս մի կոնֆլիկտ՝ նավթագազայինը, որի համար հիմք է հանդիսացել Ռուսաստանի փոխվարչապետ Արկադի Դվորկովիչի հայտարարությունը: Նա լրագրողներին ասել է, որ Մոսկվան դեռ Մինսկից սպասում է գազի պարտքի վերադարձ, և արհամարհական կերպով է արտահայտվել կանխավճարի մասին, որը Բելառուսն ուղարկել է Ռուսաստանին՝ դա անվանելով «բարի կամքի դրսևորում»: