Եթե Սեյրան Օհանյանը ցանկանար քաղաքականությամբ զբաղվել, այսքան տարվա ընթացքում արդեն զբաղված կլիներ: Այս մասին այսօր` լրագրողների հետ զրույցում ասաց ՀՀԿ խմբակցության պատգամավոր, գեներալ Մանվել Գրիգորյանը` անդրադառնալով տեղեկություններին, թե նախկին նախարարը մտադիր է Վիկտոր Դալլաքյանի հետ նոր կուսակցություն հիմնել և ընդդիմություն դառնալ:
«Այսքան տարի ինքը քաղաքական պաշտոն ա զբաղեցրել, եթե ուզենար, կարող էր ցանկացած կուսակցություն մտնել: Ինչ չի թվում, թե նա ինչ որ պաշտոնների ձգտում ուներ: Նա իրոք զինվորական է: Նրա ծրագիրը, նպատակը երկրին ծառայելն էր. ես այդպես եմ ճանաչում Օհանյան Սեյրանին:
Ինքը նախարար էր, տասը տարուց ավելի բարձր քաղքական պաշտոն կրող մարդ էր, եթե ուզենար քաղքականությունով կզբաղվեր: Օհանյան Սեյրանի մի ոտը չկա, բայց ոտի բութ մատից մինչև մազերի ծերը ինքը զինվորական ա: Իր արյունու միստ տվել է մեր երկրին, մեր պետությանը: Նախարար էր, բայց ֆորմեն վրից չէր հանում, գնում էր դիրքեր: Ընդդիմությունը որն ա՞, հո թշնամի չի… կարա գաղափարի ընդդիմությունի լինի, բայց հո երկրին ընդդիմություն չեն դառնում: Կարողա ինչ որ մեկին չհարգի, կամ իրան չընդունեն, բայց նա չի կարող այս երկրին ընդդիմություն չեն լինում»,- ասաց Մ. Գրիգորյանը:
Հարցին` անհրաժեշտություն կա՞ր պաշտպանության նախարարին փոխել, Մանվել Գրիգորյանը պատասխանեց, որ դա իրենք չեն որոշում, իրավիճակով, քաղաքակնությամբ է պայմանավորված. «Պետք է շարժ լինի, որ ակտիվություն լինի: Սեյրան Օհանյանին գիտե՞ք` քանի տեղ են առաջարկում, որ պաշտոնների գնա, ինքը պատրաստի կադր ա, ինքը ցանկացած տեղ էլ կարա աշխատի: Մարդ ա, թող մի քիչ էլ հանգստանա, արդեն 27 տարի Հայաստանի Հանրապետությանն է ծառայում, դրանից առաջ էլ է ծառայել, 35 տարի է ծառայում է, մի երկու տարի էլ թող հանգստանա»:
Մանրամասները՝ տեսանյութում:
