Բրիտանական Reuters լրատվական գործակալության փոխանցմամբ՝ ամերիկացի երգիչ Փրինսի հետմահու առաջին ալբոմը կթողարկվի աշնան վերջին։ Այն ստացել է Prince 4Ever անվանումը։
Նոյեմբերի 22-ին ԱՄՆ-ում կլինի ալբոմի շնորհանդեսը։ Դրանում տեղ են գտել երգչի թե մինչ այժմ չհրապարակված երգերը, և թե նրա ամենահաջող հիթերի մեծ մասը։
Prince 4Ever-ի գնորդները կստանան հազվադեպ և ներկա դրությամբ չհրապարակված լուսանկարներով բուկլետ։ 2017 թվականին էլ ծրագրված է թողարկել 1984 թվականին թողարկված Փրինսի ամենահայտնի ալբոմի՝ Purple Rain-ի թարմացված տարբերակը։