Ռուսական RIA Novosti լրատվական գործակալության փոխանցմամբ՝ Թուրքիայի տարածքում Աքքույուի ԱԷԿ-ի կառուցումից միակողմանի հրաժարվելը բացասաբար կազդի արտերկրում Ռուսաստանի իմիջի վրա: Այս մասին ՌԴ Պետդումայի պատգամավոր Սերգեյ Օբուխովին հասցեագրած պատասխանում նշել է «Ռոսատոմ» ընկերությունը:
Օբուխովն ավելի վաղ դիմել էր Ռուսաստանի նախագահ Վլադիմիր Պուտինին ու վարչապետ Դմիտրի Մեդվեդևին՝ կոչ անելով հրաժարվել Թուրքիայի տարածքում տնտեսական երկարաժամկետ նախագծերի, այդ թվում նաև՝ Աքքույուի ատոմակայանի ու «Թուրքական հոսք» գազատարի նախագծի իրագործումից:
«Ռոսատոմը» հայտարարել է, որ անկախ ռուս-թուրքական հարաբերությունների զարգացումից՝ ընկերությունը նվազագույնի է հասցրել Աքքույուի ատոմակայանի կառուցման հետ կապված ռիսկերը: