Ռուսական TASS լրատվական գործակալության փոխանցմամբ` Ռուսաստանն ու Թուրքիան հուլիսի 26-ին կայանալիք էկոնոմիկայի նախարարների հանդիպման ժամանակ կարող են վերադառնալ համատեղ ներդրումային հիմնադրամի ստեղծման հարցի քննարկմանը:
Այդ մասին լրագրողների հետ զրույցում հայտարարել է Ռուսաստանի տնտեսական զարգացման նախարար Ալեքսեյ Ուլյուկաևը`մեկնաբանելով Թուրքիայի էկոնոմիկայի նախարար Նիհաթ Զեյբեքջիի հետ վաղվա հանդիպումը:
Նա հիշեցրել է, որ արդեն իսկ մեկնարկել են աշխատանքները ներդրումների ու ծառայությունների ռեժիմի ազատականացման վերաբերյալ հնարավոր համաձայնագիր ստորագրելու համար.
«Դա այն է, ինչը մենք սկսել ենք ավելի քան մեկ տարի առաջ և հետո հայտնի պատճառներով (Թուրքիայի կողմից ռուսական ինքնաթիռ խոցելուց հետո) մնացել է բաց: Կողմերը նախապես պայմանավորվել են, թե ինչ են քննարկելու առաջիկա հանդիպման ժամանակ»: