«Պատանդներին «Սասնա ծռեր»-ի կողմից բաց թողնելը ճիշտ էր, որովհետև նրանց ներկայությունը ոչ միայն չէր ավելացնում անվտանգությունը, այլ նաև ինչ-որ տեղ դնում էր վտանգի տակ, որովհետև եթե փոխհրաձգություն լիներ և անգամ պատահաբար նրանք զոհվեին, դա կարող էր բարդվել այդ խմբի վրա: Հիմա կարծում եմ հերթն իշխանություններինն է. ինչպես զինյալ խմբի կողմից կար բարի կամքի դրսևորում, այնպես էլ իշխանությունն էլ կարող է քաղբանտարկյալներին և այս օրերին բերման ենթարկվածներին ազատ արձակել, և դա կստեղծի լավ մթնոլորտ հետագա հարցերի շուրջ բանակցելու համար: Այս մասին Խորենացի փողոցում «Առաջին լրատվական»- ի հետ զրույցում այս մասին ասաց «Մոդուս Վիվենդի» կենտրոնի ղեկավար Արա Պապյանը:
Քաղաքական նոր համակարգ է ձևավորվում, նոր դեմքեր պետք է ի հայտ գան: «Սասնա ծռեր»-ը անուններ է հնչեցրել, թե ում է տեսնում շարժման համակարգող խմբում, այդ թվում նաև Արա Պապյանի անունն է նշվել: Արա Պապյանն այդ առթիվ նշեց, որ շոյված է վստահությունից և, ինչպես միշտ, կփորձի օգտակար լինել, սակայն ինքը քաղաքական վերլուծաբան է և կարծում է, որ քաղաքականությամբ պետք է զբաղվեն կուսակցությունները, քաղաքական գործիչները, պատգամավորները, որոնց մեծ մասը լռում է. «Կարծես թե Հայաստանում ոչինչ տեղի չի ունենում: Կուսակցության ղեկավարները պիտի հնարավորություն ունենան արտահայտվելու և ժողովուրդն ինքը պետք է ընտրի՝ տեսնելով, թե նրանց միջից ով է իր հայացքներն արտահայտում»:
Մանրամասները՝ տեսանյութում:
