Թուրքական Hürriyet թերթի փոխանցմամբ՝ Թուրքիայի խորհրդարանի՝ սահմանադրական հարցերով հանձնաժողովի նիստում երեկ գրանցված զանգվածային ծեծկռտուքի ժամանակ վիրավորվել են մի շարք պատգամավորներ:
Ծեծկռտուքին մասնակցել են իշխող «Արդարություն ու զարգացում» կուսակցության (ԱԶԿ) և քրդամետ «Ժողովուրդների դեմոկրատական» կուսակցության (ԺԴԿ) պատգամավորները:
Արդարադատության նախարար Բեքիր Բոզդաղի խորհրդականների հայտարարությունները վեճերի տեղիք են տվել, ապա դրանք վերաճել են լեզվակռվի և արդյունքում՝ ծեծկռտուքի:
Ծեծկռտուքը սկսվել է ԱԶԿ-ական պատգամավոր (Ստամբուլից ընտրված) Մեհմեթ Մեթիների ու ԺԴԿ-ական հայ պատգամավոր Գարո Փայլանի (Ստամբուլից ընտրված) արձագանքներից, ինչին միացել են նրանց կուսակիցները:
