ԱԺ արտահերթ նիստում քննարկվում է 2016-18 թվականների ազգային վիճակագրական ծառայության եռամյա ծրագիրը: Այն ներկայացրեց ԱՎԾ նախագահ Ստեփան Մնացականյանը:
ՀԱԿ խմբակցության պատգամավոր Հրանտ Բագրատյանն իր ելույթն սկսեց այսպես. «Մարկ Տվենն ասում էր`կա արդարացված, չարդարացված և վիճակագրական սուտ», և մատնացույց անելով ԱՎԾ նախագահ Ստեփան Մնացականյանին ասաց. «Ահա այդ սուտասաններից մեկը նստած է էստեղ, և ես ուզում եմ այս մասին խոսենք»:
«Այս ծառայության տվյալներով ՀՀ ՀՆԱ-ն այսօրվա գտնվում է 1990 թվականի 167%-ի վրա, եթե 90-ը վերցնում ենք 100%, 100%-ը դառնում է 47, հետո 47-ն աճում է 90-ի համեմատությամբ, դառնում 167: 92 թվականի տնտեսական խորը անկումից 3 անգամ տնտեսությունը բարձրանում է, ու էս տարի երկակի տնտեսական աճ է գրանցվում. սա ոչինչ չի փոխում ՀՆԱ-ի առումով»:
«Էս մարդը խաղեր ա տալիս տեմպերի հետ՝ հաճոյանալով այս կամ այն նախագահին, կամ այս կամ այն վարչապետին»,- ասաց Հ. Բագրատյանը՝ մատնացույց տալով դեպի ԱՎԾ նախագահը՝ հավելելով, որ նման մարդիկ շատ վտանգավոր են. «Երբ մարդը խելոք է ու կրեատիվ, ես դա հասկանում եմ, բայց երբ մարդը կիսախելոք ա ու վարպետ ինտրիգների մեջ, սա վտանգավոր ա, խորամանկությունն ու ինտրիգը բնազդ ա, ժողովուրդ, խելոք մարդը խորամանկ չի լինում,- ասաց Հ. Բագրատյանը և հավելեց,- բա սենց վիճակագրություն կլինի՞, բա սենց բան են անո՞ւմ … Ինքը հիմա կհելնի, կբացատրի, անեկդոտներ կասի: Բավականաչափ խելոք է վարպետորեն խաբելու համար: Ձերբակալե՛ք էս ձևի չինովնիկներին»:
Մանրամասները՝ տեսանյութում: