Microsoft ընկերության համահիմնադիր Փոլ Ալենը հարցազրույց է տվել The Sunday Times-ին, որտեղ «մոլագար» է անվանել Apple-ի ղեկավար Սթիվ Ջոբսին և հայտարարել է, որ Google ընկերությունը «չարիք» է:
58-ամյա Ալենը քննադատել է իր հակառակորդներին այն բանից հետո, երբ «հրապարակայնորեն մերկացվել» էր իր գործընկեր Բիլ Գեյթսը: Ավելի վաղ հուշերի իր գրքում Ալենը գրել է, որ Գեյթսը ցանկանում էր իրենից խլել ընկերության իր բաժնետոմսերը, այն ժամանակ, երբ Ալենը պայքարում էր քաղցկեղի դեմ: «Հիմա նա անցել է հակառակորդներին»,- գրում է թերթը:
Թերթին տված հարցազրույցի ժամանակ Ալենն ասել է, որ ինքը ցածր ծիծաղում է, երբ տեսնում է, որ մարդիկ ցանկանում են մեծացնել այն բանի ծավալները, ինչը կարելի է գումարի վերածել և միևնույն ժամանակ ասում են, որ իրենք չար չեն: Ալենն այս խոսքում ակնարկել է Google-ին, քանի որ այդ ընկերության կորպորատիվ կարգախոսն է «չար մի՛ եղիր» (Don’t be evil):
Փոլ Ալենը առողջական խնդիրների պատճառով լքել է ընկերության կառավարումը` պահպանելով բաժնետոմսերի մի մասն ու տնօրենների խորհրդում իր տեղը:
Microsoft-ի բաժնետոմսերը վաճառելը Ալենին դարձրել է միլիարդատեր. ունենալով 13 մլրդ դոլար` նա տեղ է զբաղեցնում Forbes-ի լավագույն հարյուրյակում:
