Լոս Անջելեսում բարեգործական երեկոյի ժամանակ, որտեղ հավաքվել են հոլիվուդյան աստղեր, Ջուլիա Ռոբերթսին անվանել են «ամենաիդեալական հագնված դերասանուհին»: Շատ հաճոյախոսություններ լսելով Bottega Veneta-ից իր զգեստի և դասական երկար պիջակի մասին՝ Ջուլիան նշել է, որ այդ հագուստն իր համար սիրելի ամուսինն է ընտրել: Դեննի Մոդերը հաստատել է կնոջ խոսքերը և հավելել է, որ ինքն այդ տարբերակն ընտրել է, քանի որ իրեն «դուր են գալիս զգեստի և պիջակի գույները, ոճը, համադրությունը, և այն, թե այդ ամենն ինչպես է սազում Ջուլիային»: Այս մասին հայտնում է 7days.ru-ն:
Ի պատասխան՝ Ջուլիան բարձրաձայն ասել է, որ ինքը նախկինի պես կրքոտ սիրում է իր ամուսնուն, և եթե իրեն հարցնեն՝ արդյոք ինքը տարված է ինչ-որ բանով կամ ինչ-որ մեկով, ինքը կպատասխանի. «Այո՛, ես տարված եմ իմ ամուսնով»: Զույգն ամուսնացած է 13 տարի:
