Դեմոկրատական կուսակցությունից ԱՄՆ նախագահի պոտենցիալ թեկնածու Հիլարի Քլինթոնը հայտարարել է, որ ընտրություններում իր հաղթանակի դեպքում ինքը կարող է ռեփեր Քանյե Ուեսթին տեղ առաջարկել կառավարությունում՝ հայտնում է NME-ն։
Քլինթոնը նշել է, որ ռեփերը, ով 2020 թվականին նախագահի պաշտոնում առաջադրվելու ցանկություն է հայտնել, հավանաբար ստիպված կլինի սպասել, քանի որ ինքը ծրագրում է երկրորդ ժամկետ էլ մնալ։
Այնուամենայնիվ, նախկին առաջին տիկինը պատրաստակամություն է հայտնել հաղթանակի դեպքում ռեփերին որևէ պետական պաշտոն առաջարկել, որպեսզի Ուեսթը կարողանա «հավելյալ փորձ» կուտակել։
«Դա կարող է լինել դեսպանորդի դեր կամ որևէ այլ՝ կախված նրա ընտրությունից»,- ասել է Հիլարի Քլինթոնը՝ հավելելով, որ պատրաստ է քննարկել փոխնախագահի պաշտոնում ցանկացած թեկնածություն։