ՆԱՏՕ-ի անդամ երկրները չպետք է հրաժարվեն Ռուսաստանի հետ երկխոսությունից՝ չնայած Ուկրաինայի իրավիճակի պատճառով Մոսկվայի և Արևմուտքի երկրների միջև սրված հարաբերություններին։ Նման կարծիք է հայտնել Հյուսիսատլանտյան դաշինքի գլխավոր քարտուղար Յենս Սթոլթենբերգը The Wall Street Journal-ում հրապարակված հարցազրույցում։
Նա ընդգծել է, որ սառեցումը հարաբերություններում չպետք է ազդի Ռուսաստանի հետ երկխոսության հնարավորության վրա։ «Մենք ունենք տարաձայնություններ, սակայն հենց այդ պատճառով էլ մենք պետք է հանդիպենք (բանակցային սեղանի շուրջ)»,- կարծում է Սթոլթենբերգը։
«Գաղափարը, որ երկխոսելու համաձայնությունը ինքնատիպ զիջում է կամ թուլություն, սխալ է»,- ասել է նա՝ հավելելով, որ հակառակը՝ այդ ամենը երկխոսության հավելյալ պատճառներ են կամ փաստարկներ։
