Ամերիկյան ռեալիթի շոուի հայազգի աստղ Քիմ Քարդաշյանն ու նրա ամուսինը՝ ռեփեր Քանյե Ուեսթը, մի զույգ թանկարժեք կոշիկ են նվիրել երիկամային հիվանդությամբ տառապող Մեթ Նելին։ Այս մասին հայտնում է Tmz.com-ը։
Աղբյուրը նշում է, որ նրա ֆեյսբուքյան պատին կարդալով հայտարարությունը, թե 26-ամյա միչիգանցին պատրաստվում է իր կոշիկներն աճուրդի դնել՝ երիկամային փոխպատվաստման համար գումար ձեռք բերելու նպատակով, որոշել են նրան արժեքավոր կոշիկ նվիրել։
Բերգերի հիվանդությամբ տառապող երիտասարդը փոխպատվաստման համար դոնորների օրգաններին սպասողների ցուցակում է, սակայն հերթին դեռ շատ կա։ Դրան հաջորդել է պլաններին խոչընդոտող նորություն. դաշնային օրենսդիրներն արգելել են գումարով հերթն առաջ գցել։ Նրա ֆեյսբուքյան էջում շատերն են ասել, որ անվճար երիկամ կնվիրաբերեն, ինչը միանգամայն օրինական է։
