Ռուսական RIA Novosti լրատվական գործակալության փոխանցմամբ՝ Մոլդովայի իշխանությունները ԵՄ-ին անդամակցելու հայտ կարող են ներկայացնել 2018 թվականից ոչ ուշ: Այդ մասին ռադիոեթերում հայտարարել է Մոլդովայի արտգործնախարար Նատալյա Գերմանը:
«Մոլդովային անհրաժեշտ է քաղաքական կայունություն՝ ամբողջովին իրագործելու համար ԵՄ-ի հետ Ասոցացման համաձայնագիրը, կյանքի կոչելու համար բոլոր բարեփոխումները: Կարծում եմ, որ մենք կարող ենք ԵՄ-ին անդամակցելու հայտ ներկայացնել ներկայիս կառավարության մանդատի շրջանակներում, որը սպառվում է 2018 թվականի նոյեմբերին»,- ասել է նա:
Գերմանն ընդգծել է, որ Մոլդովան դեռ ամբողջովին չի կատարել ԵՄ-ի առջև խոստումները: Մասնավորապես, իրագործված չէ դատական համակարգի բարեփոխում, և կոռուպցիայի դեմ պայքարն ընթանում է շատ թույլ: