Հինգշաբթի Ավստրիայի արևելքում հայտնաբերված լքված բեռնատարում ավելի քան 70 դի է եղել։ Այս մասին հայտնել է Ավստրիայի ՆԳՆ-ն։ Իշխանությունները կարծում են, որ բոլոր զոհերը ներգաղթյալներ են եղել։
Ավելի վաղ հաղորդվել էր մոտ 50 մարմնի հայտնաբերման մասին։
Բեռնատարը հայտնաբերվել էր հինգշաբթի Պարնդորֆի արվարձանում՝ Վիեննա տանող մայրուղու մոտ։
Նախնական եզրակացությամբ՝ նրանք մահացած են եղել որոշ ժամանակ։ Հավանական պատճառը շնչահեղձությունն է։
Ավստրիայի արտգործնախարար Սեբաստիան Կուրցը հայտարարել է BBC-ի հետ հարցազույցում, որ ներգաղթյալների ընդունման ԵՄ քաղաքականության առանցքային դրույթները չեն գործում։
Միայն անցած ամիս ԵՄ սահմանը հատել է ռեկորդային թվով անօրինական ներգաղթյալ՝ 107.5 հազար մարդ։