Իրաքի Ֆալուջա քաղաքի վրա ավիահարձակման հետևանքով զոհվել է առնվազն 36, վիրավորվել մի քանի տասնյակ մարդ՝ հայտնում են տեղի բժիշկները։ Ինչպես տեղեկացնում է korrespondent.net-ը, զոհվածների թվում կան կանայք և երեխաներ:
Վերջին ամիսներին Բաղդադից 70 կմ արևմուտք ընկած Ֆալուջա քաղաքը գտնվում է ԴԱԻՇ ծայրահեղական խմբավորման գրոհայինների վերահսկողության ներքո: Ուստի կառավարական զորքերի կողմից քաղաքը հաճախակի ենթարկվում է ավիահարվածների:
Ջիհադիստներին հաջողվել է Իրաքում և Սիրիայում գրավել մի շարք բնակավայրեր՝ չնայած այն բանին, որ նրանց դիրքերը ԱՄՆ գլխավորությամբ կոալիցիայի կողմից ենթարկվում են օդային հարվածների:
