Հունաստանը պարտատերերին առաջարկել է Եվրոպական կայունության մեխանիզմի (ԵԿՄ) միջոցով և արտաքին պարտքի վերակազմավորման հաշվին դիտարկել ֆինանսական օգնություն ստանալու մասին նոր առաջարկությունը: Այդ մասին հայտնում է Reuters գործակալությունը:
«Հունաստանի կառավարությունն առաջարկել է երկամյա համաձայնություն կնքել ԵԿՄ-ի հետ ֆինանսական օգնություն հատկացնելու մասին, որպեսզի ամբողջովին ծածկեն երկրի ֆինանսական կարիքները: Այն նախատեսում է նաև պարտքի զուգահեռ վերակազմավորում»,- հայտարարել է երկրի նախարարների կաբինետը:
Ավելի վաղ, երկրի ֆինանսների նախարար Յանիս Վարուֆակիսը հայտարարել էր, որ Հունաստանը հունիսի 30-ին Արժույթի միջազգային հիմնադրամ չի փոխանցի վարկերով որոշված պարտքի մասը:
