Բաղրամյան պողոտայում ակտիվիստները չունեն գործողությունների ծրագիր, չկա նաև պայմանավորվածություն, թե որքան են պատրաստվում մնալ պողոտայում։ Այս մասին «Առաջին լրատվական»-ի հետ զրույցում ասացին ակտիվիստները։
«Պայմանավորվածությունը զուտ էն է, ինչ մինչև հիմա հնչել է՝ երեք պայմանի կատարում և մնալու ենք այնքան, մինչև երեք պայմանների կատարում»,-նշեց ակտիվիստը։ Նա նշեց, որ ուրիշ նոր կամ հին ծրագիր, հին և նոր մարդիկ չկան։
Ակտիվիստի խոսքով՝ ընթացքում եղել են և կլինեն մարդիկ, որ կդավաճանեն, բայց վստահություն հայտնեց, որ այստեղի մասսան այնքան առողջ է, որ սեփական գաղափարով առաջ կգնա։
Նա նշեց, որ ոչ ոք չի ուզում լիդերներ լինեն, և միայն այդ ճանապարհով կլինի հաջողություն։ Որևէ մեկը որևէ մեկի համար պատասխանատվություն չի կրում մյուսի համար։