Google ընկերության բաժնետոմսերի գները երեկ կտրուկ անկում են արձանագրել այն բանից հետո, երբ ընկերության կայքում հրապարակված առաջին եռամսյակի տվյալները չեն գոհացրել ներդնողներին և բաժնետերերին, և վերջիններս սկսել են զանգվածային վաճառել բաժնետոմսերը:
Չնայած այն հանգամանքին, որ 2010թ. առաջին եռամսյակի համեմատ, այս տարի արձանագրվել էր 17% աճ, այդուհանդերձ բաժնետերերը դժգոհ էին մնացել ծախսերի աճով, որոնք կազմել էին հասույթի մոտ 33%-ը: Bloomberg գործակալությունն արձանագրել էր, որ բացասական տրենդը ապրիլի 1-14-ը կազմել է 2.6%:
Սրան հակառակ, Google-ի հիմնական մրցակիցների` Yahoo!-ի և Microsoft-ի բաժնետոմսերն ավելի լավ վիճակում են եղել: Yahoo!-ն նախօրեին արձանագրել է 0.12% աճ, իսկ Microsoft-ը` 0.07% անկում: