Անջելինա Ջոլին ծնվել է 1975 թվականի հունիսի 4-ին՝ Լոս Անջելեսում: Նրա հայրը հայտնի դերասան Յոն Վոյթն է, մայրը՝ Մարսելին Բերթրանը, նույնպես դերասանուհի է, սակայն ավելի քիչ ճանաչված։ Այս մասին գրում է Calend-ը:
Անջելինայի դեբյուտը կինոյում տեղի է ունեցել 1982-ին. նա հոր հետ նկարահանվել է «Ելք որոնելիս» ֆիլմում: 11 տարեկանում նա դերասանի վարպետություն է սովորել Լի Ստրասբերգի ստուդիայում, այնուհետև ուսուցումը շարունակել Բևերլի Հիլզի բարձրագույն դպրոցում։
Արդեն 14 տարեկանում նա հագուստի ցուցադրությունների ժամանակ մոդել էր աշխատում:
Ջոլիի կյանքի կարևորագույն փուլ դարձավ «Ցանցահենները» (1995) ֆիլմը, որի նկարահանումների ժամանակ նա ծանոթացավ Ջոնի Լի Միլերի հետ, ով դարձավ նրա ամուսինը։ Սակայն ամուսնությունը տևեց ընդամենը 3 տարի՝ մինչև 1999թ. հունվար:
Նոր դերերը նրան երկար սպասեցնել չտվեցին, և հաջորդող մի շարք դերերը նպաստեցին որպես դերասանուհի նրա կայացմանը։ Սակայն նա մեծապես հայտնի դարձավ 1997-ին՝ «Ջորջ Ուոլաս» ֆիլմի նկարահանումներից հետո։ Այդ ֆիլմում նա երկրորդ պլանի կնոջ լավագույն դերի համար արժանացել է «Ոսկե գլոբուս»-ի: Մեկ տարի անց Ջոլին միևնույն մրցանակը ստանում է «Ջիա» ֆիլմի համար:
Այնուհետև դերասանուհին տեղափոխվել է Նյու Յորք և Նյու Յորքի համալսարանում հաճախել սցենարիստների դասընթացների։ Հոլիվուդ նրա աստղային ճանապարհը բացեցին կինովարձույթում մեծ հաջողության հասած մի շարք ֆիլմեր։
2000-ի մայիսին Անջելինան 2-րդ անգամ է ամուսնացել, այս անգամ՝ Բիլի Բոբ Թորնթոնի հետ, սակայն այդ ամուսնությունը ևս երկար չտևեց:
«Միստր և միսիս Սմիթ» ֆիլմում նկարահանումներից հետո Անջելինան ամուսնացավ երրորդ անգամ՝ Բրեդ Փիթի հետ: 2006-ին ծնվեց նրանց դուստրը՝ Շիլոհ Նուվելը: 2008-ին Անջելինան լույս աշխարհ բերեց երկվորյակներ Նոքս Լեոնին և Վիվյեն Մարչելին: Այսօր զույգը 6 երեխա ունի, որոնցից 3-ը որդեգրված են:
