25-ամյա բրիտանացի Դենիել Քենեդին հազիվ է մահից փրկվել խուլիգանների պատճառով:
Նա չէր էլ կարող մտածել, որ 19-ամյա չարագործները զինված են: Բարեբախտաբար, նրա ծոցագրպանում եղել է iphone, որն էլ նրան փրկել է հանցագործների փամփուշտից, հայտնում է Mirror-ը:
Երիտասարդը զբոսնել է բրիտանական Ուիդնես քաղաքի այգում, երբ տեսել է, որ երկու դեռահաս փակում են ամբողջ շրջանի ջրամատակարարման ծորակը: Նա դիտողություն է արել վերջիններիս, սակայն նրանք չափազանց ագրեսիվ են արձագանքել դիտողությանը:
«Երիտասարդներից մեկը, ինձ չլսելով, ինչ-որ փայլուն բան վերցրեց, ինչ-որ բան հարվածեց կրծքիս, ու ես ընկա: Շոկից ուշքի գալով՝ հասկացա, որ ինձ վրա կրակել են»,- պատմել է բրիտանացին:
Սմարթֆոնն իր վրա էր վերցրել հարվածը՝ անվնաս թողնելով տղամարդու կենսական կարևոր օրգանները:
Դեռահասներին հայտնաբերել են: