Հնդկաստանում 12-ամյա Ահրիվար Մահենդրան տառապում է հազվագյուտ հիվանդությամբ՝ պարանոցի շատ թույլ մկաններով, ինչի պատճառով նա չի կարողանում գլուխն ուղիղ պահել. այն մերթ ընկնում է կրծքի, մերթ ուսի վրա: Այս մասին գրում է The Daily Mail-ը:
Տղայի ծնողները՝ 40-ամյա Մուկեշը և 35-ամյա Սումիտրան, պնդում են, որ դիմել են Հնդկաստանի տարբեր կետերում գտնվող 50 բժիշկների, սակայն նրանցից ոչ ոք չի կարողացել բուժել տղային: Տղան միայն նստել է կարողանում: Հայրն ու մայրը ստիպված նրան գրկած են տեղից տեղ տեղափոխում:
Տղայի մոտ հիվանդությունն ի հայտ է եկել մեկուկես տարեկանից: Նրա հոր խոսքերով՝ սկզբում կարծում էին, թե տղան թույլ է, և հիվանդությունը ժամանակի հետ կանցնի: Սակայն արդեն 3 տարեկանում նա չէր կարողանում գլուխն ուղղահայաց պահել:
