«Հիմնադիր խորհրդարանը» այսօր ներկայացրեց հայկական պետության ձևավորման և զարգացման՝ «Հիմնադիր խորհրդարան»-ի մշակած հռչակագիրը։ Այն պետք է նախորդ շաբաթ հրապարակվեր, բայց հետաձգվեց ՀԽ անդամների ձերբակալությունների պատճառով։
«Հիմնադիր խորհրդարան»-ի քարտուղարության ժամանակավոր համակարգող Ալեք Ենիգոմշյանը նկատեց, որ հռչակագիրը հնարավոր կլինի իրագործել, եթե կարողանան ազատվել գործող ռեժիմից, կանխեն սաբոտաժները։
«Դրա համար մեզ որոշակի ժամանակ հարկավոր կլինի, կլինի անցումային փուլ, կլինեն նաև նոր Սահմանադրություն, համապետական ընտրություններ, ժողովուրդը ձևավորելու է լեգիտիմ կառավարություն»,- ասաց նա:
Նրա խոսքով՝ 2 տարվա ընթացքում հնարավոր կլինի իրագործել ասվածը, հնարավոր է նաև ավելի կարճ ժամկետում: Ալեք Ենիգոմշյանը նաև նկատեց, որ իրենք հավակնում են, իսկ լիազորողը, լեգիտիմացնողը պետք է լինեն քաղաքացիները, որոնք պայմանագրեր կկնքեն ՀԽ-ի հետ:
Նա նաև ասաց, որ հռչակագրի հիմքում մարդն է՝ որպես բարձրագույն արժեք։ «Մենք հեռու ենք ուտոպիաներից, սակայն հավատում ենք համերաշխության գաղափարին»,- ասաց նա՝ մեկ անգամ ևս շեշտելով, որ գործողությունները լինելու են Սահմանադրության շրջանակներում։ Նրա խոսքով՝ Ժիրայր Սեֆիլյանի և մյուսների ձերբակալությունը չի ոչնչացրել ՀԽ-ի գործողությունների ծրագրերը, շարունակելու են պայքարը:
Մանրամասները՝ տեսանյութում։
Լուսանկարը` PAN Photo-ի