Freedom House կազմակերպությունը կազմել է «Ազատությունն աշխարհում 2015» զեկույցը, որում Հայաստանը և Լեռնային Ղարաբաղը ներառված են մասնակից ազատ երկրների շարքում:
7 բալանոց սանդղակից (որտեղ 7-ը ազատության բացակայությունն է) Հայաստանի Հանրապետությունը քաղաքական իրավունքների (ՔԻ) համար գնահատվել է 5, իսկ քաղաքացիական ազատությունների (ՔԱ) համար՝ 4: Լեռնային Ղարաբաղը (ներառված է «վիճելի տարածքներ» ցուցակում) երկու կատեգորիաներում էլ ստացել է 5 միավոր:
Հայաստանի հետ մասամբ ազատ երկրների շարքում են նաև Վրաստանը (ՔԻ՝ 3 միավոր, ՔԱ՝ 3 միավոր) և Թուրքիան (ՔԻ՝ 3, ՔԱ՝ 4): Ադրբեջանը (6/6), Իրանը (6/6) և Ռուսաստանը (6/6) համարվել են ոչ ազատ երկրներ:
Զեկույցում ներառված է 195 երկիր, որից 89-ը (46 տոկոս) գնահատվել են ազատ, 55-ը(28 տոկոսը)՝ մասնակի ազատ, իսկ 51-ը (26 տոկոս)՝ ոչ ազատ։ Ընդհանուր առմամբ հետազոտությունը ցույց է տվել, որ 61 երկրներում 2014թ. համեմատ ազատությունը նվազել է, և միայն 31 երկրներում է առաջընթաց գրանցվել:
Առավել ցածր ցուցանիշ է գրանցվել Մերձավոր Արևելքի և Հյուսիսային Աֆրիկայի երկրներում, նրանց հաջորդում է Եվրասիան։ Պատերազմական վիճակում գտնվող Սիրիան ազատության ամենացածր միավորն է ստացել։ Առավել ցածր միավորներ են ստացել նաև ԿԱՀ-ը, Հասարակածային Գվինեան, Էրիթրեան, Հյուսիսայն Կորեան, Սաուդյան Արաբիան, Սոմալին, Սուդանը, Թուրքմենստանն ու Ուզբեկստանը։