Մաթեմատիկայի ուսուցիչ Մուրադ Օզերը, ով ցածր գնահատական է նշանակել Թուրքիայի վարչապետ Ահմեդ Դավութօղլուի դստերը, հեռացվել է աշխատանքից: Այս մասին հաղորդում է թուրքական Cumhuriyet պարբերականը:
Թուրքիայի վարչապետի դուստրը՝ Հաջեր Բուքեն, ով սովորում է «Հաջի Օմեր Թարման Անադոլու» լիցեյի 9-րդ դասարանում, դեկտեմբերի սկզբին «2» է ստացել մաթեմատիկայի գրավոր քննությունից:
Դպրոցի տնօրենը փորձել է միջամտել, սակայն ուսուցիչը չի ենթարկվել նրան: Միջադեպի մասին իմացել է նաև վարչապետի խորհրդականը և բացատրություն պահանջել դպրոցից: Կարճ ժամանակ անց ուսուցիչը հեռացվել է աշխատանքից:
