Այսօր մոտ 19.00 մոտակայքում արտակարգ պատահար է տեղի ունեցել Գյումրու բանուկ Շչերբինա փողոցում: «ՄերսեդեՍ BMW» մակնիշի ավտոմեքենան այնպես է բախվել փողոցի մոտակայքում գտնվող հենասյունին, որ այդ հատվածի բնակիչներին մի պահ թվացել է, թե երկրաշարժ է տեղի ունենում: Բարեբախտաբար, մարդկային զոհեր չեն եղել, սակայն բնակիչները Aravot.am-ի հետ զրույցում պնդում են, որ այստեղ հաճախակի են վթարներ տեղի ունենում:
Բանն այն է, որ Շչերբինան Գյումրու այն եզակի փողոցներից է, որն ասֆալտ ունի: Այն մի քանի տարի առաջ ասֆալտապատվեց «Շչերբինա» հիմնադրամի միջոցներով ու Ռեպինի փողոցից վերանվանվեց Շչերբինա փողոցի: Ավելին, Շչերբինայի կիսանդրին կագնեցվեց այդ նույն փողոցի վրա գտնվող երաժշտական դպրոցի բակում: Փողոցը, սակայն,ըստ բնակիչների, բացարձակապես զուրկ է կահավորանքից, չկա որևէ արգելապատնեշ, թեկուզև «պառկած միլիցա», ազդաշնաններ, որն էլ վտանգավոր է դարձնում մարդկանց կյանքն այս հատվածում: Իսկ փողոցի վրա կա մանկապարտեզ, դպրոց, երաժշտական դպրոց, մարզադպրոցներ, որտեղ սովորող երեխաները հաճախ են ականատես են լինում ավտովթարների:
…Ստացվում է, որ Գյումրու քաղաքապետի ու ՀՀ ոստիկանապետ Վլադիմիր Գասպարյանի այս նպատակով ստեղծած հանձնախմբի ուղիղ երկու օր առաջ տեղի ունեցած հանդիպումը ձևական բնույթ էր կրում:
Մանրամասները՝ սկզբնաղբյուր կայքում
