Ադրբեջանի պաշտպանության նախարարի տեղակալ, ռազմաօդային ուժերի հրամանատար, գեներալ-լեյտենանտ Ռամիզ Թաիրովը և այցով Բաքվում գտնվող՝ Թուրքիայի ռազմաօդային ուժերի անձնակազմի հետ աշխատանքի վարչության ղեկավար, բրիգադային գեներալ Էմին Այըկը հանդիպել են Ադրբեջանի և Թուրքիայի Ռազմաօդային ուժերի զորավարժություններին մասնակցող անձնակազմի հետ: Այս մասին հայտնում է APA-ն՝ հղում անելով Ադրբեջանի պաշտպանության նախարարության կայքին:
Թռիչքատեխնիկական անձնակազմի հետ հանդիպման ժամանակ արվել է ուսումնամարտական ինքնաթիռներով համատեղ թռիչքների ժամանակ գործնական առաջադրանքների, պայմանական օդային մարտերի նմանակմամբ տարբեր մանևրերիև ցամաքային թիրախների ոչնչացման գործողությունների նախնական վերլուծություն:
Հանդիպման ընթացքում նշվել է, որ ծրագրված է Ադրբեջանի և Թուրքիայի ռազմաօդային ուժերի հերթական համատեղ զորավարժություններն անցկացնել 2015-ի մարտին Թուրքիայում:
