Հայ-թուրքական արձանագրություններն Ազգային ժողովի օրակարգից ետ կանչելու մասին ՄԱԿ-ում Սերժ Սարգսյանի արած հայտարարության պատճառը Թուրքիայի քաղաքական վերնախավի կողմից նախապայմանների հետևողական առաջադրումն է: Այս մասին «Առաջին լրատվական»-ի հետ զրույցում ասաց ԱԺ փոխնախագահ Էդուարդ Շարմազանովը:
Հարցին՝ Ս. Սարգսյանը ե՞րբ է մտադիր ետ կանչել այդ արձանագրությունները, Է. Շարմազանովը չպատասխանեց՝ ասելով, թե դա բացառապես նախագահի լիազորությունն է, և կոռեկտ չի լինի, որ իշխանության որևէ ներկայացուցիչ Ս. Սարգսյանից առաջ այդ մասին հայտարարի:
