Լոնդոնի կենտրոնական Թրաֆալգար հրապարակում մոտ 5 000 մարդ հանդես է եկել Շոտլանդիայի առանձնանալու դեմ: ITAR-TASS-ի հաղորդմամբ՝ այս մասին հայտնել են Let’s stay together կազմակերպությունից ակցիայի կազմակերպիչները:
Միջոցառման նպատակն է ձայն տալ նրանց, ովքեր մտահոգ են Շոտլանդիայի հնարավոր առանձնանալու կապակցությամբ և չեն կարող մասնակցել քվեարկությանը:
Ակցիային մասնակցել են նաև հայտնիներ՝ հեռուստահաղորդավար Դեն Սնոուն, կոմիկ Էդդի Իզարդը, ակտիվիստ Բոբ Գելդոֆը:
Միք Ջագերը, Բրյուս Ֆորսայթը, Ջուդի Դենչը, Սայմոն Քոելը և պրոֆեսոր Սթիվեն Հոքինգը «Շոտլանդիայից ընտրողների» համար նախատեսված բաց նամակն են ստորագրել:
Հիշեցնենք, որ Շոտլանդիայի անկախության հանրաքվեն կանցկացվի սեպտեմբերի 18-ին: