«Եթե Հայաստանում կան օրհասական խնդիրներ, ապա ճիշտը ոչ թե թեժ սեզոնին սպասելն է, այլ տարին պետք է ամբողջությամբ թեժ լիներ: Չեմ կարծում, թե Հայաստանի խնդիրները բխում են 12 կետերից: Հայաստանում կա խոր խնդիր՝ դա իշխանափոխության հարցն է, որ պետք է օր առաջ դրվի, ու արվի հնարավոր ամեն ինչ դա իրականացնելու համար»,- «Առաջին լրատվական»-ի հետ զրույցում նման տեսակետ հայտնեց ՀՀՇ վարչության գործադիր քարտուղար Կարեն Կարապետյանը:
Նրա խոսքերով՝ ամենակարևոր և ամենագլխավոր հարցում քառյակը միասնական չէ՝ իշխանափոխության հարցում․«Մենք մինչ այսօր չենք տեսել, որ «Բարգավաճ Հայաստանը» պահանջի Սերժ Սարգսյանի հրաժարականը, չենք լսել նաև, որ Դաշնակցությունը պահանջի, ավելին՝ Գագիկ Ծառուկյանն իր հարցազրույցում ասում է, որ պետության տնտեսությունը աղետալի վիճակում է, երբ նույնիսկ ոչ թե Սերժ Սարգսյանին, այլ գոնե վարչապետին անվստահություն հայտնելու հարցը չի հնչեցվում»:
Կարապետյանն ավելացրեց, թե քառյակը գիտեր, որ Տիգրան Սարգսյանին հաջորդելու է Հովիկ Աբրահամյանը, և դա նրանց չխանգարեց պահանջել միայն կառավարության հրաժարական և բավարարվել դրանով:
Ինչ վերաբեր ում է երկրորդ նախագահ Ռոբերտ Քոչարյանի՝ քաղաքականություն հնարավոր վերադարձին, ապա մեր զրուցակիցն ընդգծեց, որ Քոչարյանը դեռևս տարիներ առաջ է հայտարարել, որ չի պատրաստվում դառնալ երիտասարդ թոշակառու, և նա երբեք էլ իր այդ ցանկությունը չի թաքցրել․ «Սակայն մի բան է ցանկությունը, այլ բան է իրականությունը: Ռոբերտ Քոչարյանի վերադարձը հասարակության համար մեծ չարիք կլինի: Այլ բան է, թե ինչ են գովազդում, մեկ այլ բան, թե հասարակությունն ինչ մոտեցում ունի: Եկեք չմոռանանք, որ 1998 թվականի հեղաշրջումից հետո եղան տասնյակ սպանություններ, որ չեն բացահայտվել»:
Հարցազրույցն ամբողջությամբ՝ մեր տեսանյութում։
