Թուրքական ոստիկանության տասնյակ աշխատակիցներ երկուշաբթի ձերբակալվել էին երկրի 16 գավառներում իրականացված հատուկ գործողությունից հետո: Ինչպես հաղորդում է տեղական NTV հեռուստաալիքը՝ նրանց կասկածում են կառավարության դեմ դավադրության համար:
Հեռուստաալիքի տվյալներով՝ 33 ոստիկանի ձերբակալության օրդեր է տրվել, որոնց մի մասը կալանքի տակ է գտնվում հուլիս ամսից և մեղադրվում է քաղաքացիների, այդ թվում՝ թուրքական կառավարության անդամների հեռախոսազանգերի գաղտնալսման համար:
Թուրքիայի իշխանությունները սկսել են ոստիկանական կառույցների մաքրում այն բանից հետո, երբ այս տարվա ձմռանից սկսվեցին իրավապահ մարմինների աշխատակիցների ձերբակալությունները: