Էլվիս Փրեսլիին պատկանող երկու ինքնաթիռներ՝ «Լիզա Մարի» և «Հաունդ Դոգ II», վաճառքի են հանվել՝ հաղորդում է CNN հեռուստաալիքը: Ինքնաթիռները նախատեսված չեն թռիչքների համար, դրանք թանգարանային նմուշներ են:
«Լիզա Մարի» ինքնաթիռը հագեցած է չորս շարժիչներով: Դրանում կա հսկայական մահճակալ, ունի ոսկե սանհանգույց, հեռուստացույց տեսաձայնագրիչ:
Ինքնաթիռի պոչին նկարված է TCB (Taking Care of Business) ապրանքային նշանը, որը պատկանում է Փրեսլիին: Convair 880 մոդելի ինքնաթիռը թողարկվել է 1960-ին:
«Հաունդ Դոգ II»-ը «Լիզա Մարիից» ավելի փոքր է և ծառայել է որպես պահուստային տարբերակ, քանի դեռ հիմնական ինքնաթիռը երգչի պատվերով ձևափոխել են:
Ներկայիս սեփականատեր Քեյ Ջի Քոքերը, ով դրանք գնել է երգչի մահվանից հետո՝ 1977թ.-ին, առայժմ դրանց արժեքը չի հրապարակում:
