ՀՀ վարչապետ Հովիկ Աբրահամյանը խուսափեց անդրադառնալ ՀՀ երկրորդ նախագահ Ռոբերտ Քոչարյանի հարցազրույցին, մասնավորապես՝ երկրորդ նախագահի ներկայացրած քննադատությանը ՀՀ տնտեսական քաղաքականության հասցեին: Այսօր ՀՀԿ նիստից առաջ Հովիկ Աբրահամյանը խուսափեց խոսել լրագրողների հետ՝ այն դեպքում, երբ նա բաց չի թողնում հնարավորությունը զրուցելու և սպառելու լրագրողների հարցերը: Այսօր նա մոտեցավ իրենց խնդիրներով ՀՀԿ գրասենյակ եկած քաղաքացիներին, լսեց նրանց՝ շրջանցելով լրագրողներին: Լրագրողների բազմաթիվ հարցերին, որոնք վերաբերում էին միմիայն ՀՀ երկրորդ նախագահի հարցազրույցին, պատասխանեց միայն մեկին. «Ռոբերտ Քոչարյանը տնտեսության զարգացման հիմքեր չի տեսնում, իսկ Դուք տեսնո՞ւմ եք»: Հովիկ Աբրահամյանն ասաց. «Այո»՝ խուսափելով մանրամասնորեն մեկնաբանել երկրորդ նախագահի դիտարկումները, շարժվելով դեպի կուսակցության շենքի մուտքը: