Ամստերդամում կտեղադրվի Ուկրաինայում աղետի ենթարկված «Բոինգի» զոհերին նվիրված հուշարձան: Ծրագրվում է, որ այն կտեղադրվի այս տարվա նոյեմբերի 10-ին, հայտնում է ITAR-TASS-ը:
Հուշարձանի նախագծային աշխատանքներին կմասնակցեն զոհերի ազգականները: Այն կտեղադրվի Հոլանդիայի մայրաքաղաքի հարավում:
Զոհերի ազգականների հետ հանդիպման ընթացքում հոլանդական կառավարության ղեկավար Մարկ Ռյուտեն ու փորձագետները ներկայացրել են վերջիններիս ողբերգության զոհերի մարմինների նույնականացման գործըթնացի մասին վերջին տեղեկությունը:
Հիշեցնենք, որ հուլիսի 17-ին Դոնեցկի մարզում աղետի ենթարկվեց մալայզիական ավիաուղիների Boeing-777 ինթնաթիռը, որի հետևանքով զոհվեց 298 մարդ:
