NASA-ն շարունակում է պատրաստվել դեպի Մարս առաջին թռիչքին: ԱՄՆ-ի իշխանությունները հայտարարում են, որ այն պետք է տիեզերական տարածությունը յուրացնելու հաջորդ հսկայական քայլը դառնա:
Այս հայտարարությունը Լուսնի վրա մարդու վայրէջքի 45-ամյակի կապակցությամբ արել է երկրի նախագահ Բարաք Օբաման: ITAR-TASS-ի հաղորդմամբ՝ նա իր նստավայրում ընդունել է այդ իրադարձության երկու մասնակիցների՝ Մայքլ Քոլինզին և Էդվին Օլդրինին: Իսկ երրորդ տիեզերագնացը՝ Նիլ Արմսթրոնգը, արդեն կենդանի չէ. նա մահացել է 2012թ. սրտի վիրահատությունից հետո բարդությունների պատճառով:
Ծրագրավորվում է, որ տիեզերանավի առաջին փորձնական թռիչքը, որն ապագայում Մարս կուղևորվի, տեղի կունենա մինչև այս տարվա վերջը: Դեպի Կարմիր մոլորակ թռիչքը պլանավորված է 2030 թվականներին:
