Shamshyan.com-ը գրել է.
Այսօր՝ հուլիսի 22-ին ավտովթար է տեղի ունեցել Երևանում: Ժամը 08:00-ի սահմաններում 58-ամյա Վաչագան Ասլանյանը վարելով Niger մակնիշի 4421 S համարանիշի ավտոմեքենան Աբովյան փողոցում դուրս է եկել ճանապարհի երթևեկելի գոտուց և բախվել մայթեզրին տեղադրված «Հայմամուլի» ընկերությանը պատկանող թերթի կրպակին:
Ինչպես վթարի վայրից հայտնում է ֆոտոլրագրող Գագիկ Շամշյանը, նշված ավտոբուսը սպասարկում է թիվ 54 երթուղին, որը հաշվառված է Երևան քաղաքի Թևոսյան 5 հասցեում գրանցված «Երևանի ավտոբուս» ՓԲԸ-ի հաշվեկշռում: Վթարի հետևանքով 2 հոգի տեղափոխվել են հիվանդանոց, որոնց այնտեղ են տեղափոխել այդ պահին նշված հատվածում ծառայություն կատարող ճանապարհային ոստիկանության 1-ին սպայական գումարտակի 2-րդ դասակի աշխատակիցները դասակի հրամանատար Գագիկ Վարդանյանի գլխավորությամբ:
Դեպքի վայր են ժամանել հանրապետության ոստիկանապետի տեղակալ, ոստիկանության գնդապետ Սամվել Հովհաննիսյանը, և Երևանի ճանապարհային ոստիկանության պետ ոստիկանության փոխգնդապետ Արսեն Արշակյանը:
Նյութն ամբողջությամբ՝ սկզբնաղբյուր կայքում:
