Հայտնի երգչուհի Շերիլ Քրոուն, որը տառապում է կրծքագեղձի քաղցկեղով, խոստովանել է, որ իր մոտ ուղեղի ուռուցք է հայտնաբերվել: Բարեբախտաբար, նորագոյացությունը վտանագավոր չէ:
50-ամյա երգչուհին ուղեղի բարորակ ուռուցքի մասին իմացել է անցած տարի, սակայն որոշել է երկրպագուներին չվախեցնել: Քրոուն ևս մեկ անգամ նշել է, որ իր կյանքին վտանգ չի սպառնում:
Հիշեցնենք, որ 2006 թվականին Շերիլ Քրոուի մոտ կրծքագեղձի քաղցկեղ էր հայտնաբերվել: Նրան վիրահատել էին, որից հետո երգչուհին ճառագայթային թերապիայի կուրս էր անցել: Շերիլի նախկին փեսացու, Tour de France հեծանվավազքի յոթակի հաղթող Լենս Արմսթրոնգը, որն իր հերթին կարողացել էր հաղթահարել շագանակագեղձի քաղցկեղը, ցնցվել է՝ լսելով Շերիլի հիվանդության մասին լուրը, սակայն հուսով է, որ երգչուհին լիովին կապաքինվի:
