Տարիներ շարունակ անհանգստանալուց հետո, թե ինչ կպատահի, երբ միասեռականներին թույլ տրվի բացահայտ կերպով ծառայել բանակում, հինգշաբթի օրը Պենտագոնը հայտարարել է, որ այն 8 ամիսների ընթացքում, երբ միասեռականներին թույլ է տրվել բանակում հայտնել իրենց սեռական կողմնորոշման մասին, որևէ բացասական ազդեցություն չի նկատվել` կապված բանակի պատրաստականության և բարոյականության հետ:
Հիշեցնենք, որ նախագահ Բարաք Օբաման դարձավ ԱՄՆ առաջին նախագահը, ով բացահայտ իր աջակցությունը հայտնեց միասեռականների ամուսնությանը և բանակում նրանց ծառայելուն:
1993 թվականին ընդունված օրինագծի համաձայն` միասեռականները կարող էին ծառայել բանակում, եթե նրանց սեռական կողմնորոշումը գաղտնի պահվեր:
The Jerusalem Post-ի փոխանցմամբ` ԱՄՆ պաշտպանության նախարար Լեոն Պանետան ասել է, որ չորեքշաբթի իր ստացած զեկույցի համաձայն` միասեռականների բացահայտ ծառայությունը որևէ բացասական ազդեցություն չի ունեցել բանակի մյուս անդամների վրա` կապված ընդհանուր պատրաստականության ու բարոյականության հետ: