«Շալկե-04»-ի առաջատար Կլաս-Յան Հունտելարը Բունդեսլիգայի 34-րդ տուրի շրջանակներում «Վերդեր»-ի հետ խաղի ընթացքում դուբլ է ձևակերպել:
Այդպիսով, Հունտելարը նվաճել է Գերմանիայի ազգային առաջնության 2011/12 թվականների մրցաշրջանի լավագույն ռմբարկուի տիտղոսը` հեղինակելով 29 գոլ:
Երկրորդը «Բավարիա»-ի հարձակվող Մարիո Գոմեսն է, ում ակտիվում 26 գոլ է գրանցվել:
Առաջատարների եռյակը եզրափակում է «Բորուսիա Դ»-ի ռմբարկու Ռոբերտ Լևանդովսկին` իր ակտիվում ունենալով 22 գնդակ:
Գերմանական պարբերականների տեղեկատվության համաձայն` վերջին անգամ Բունդեսլիգայի ներկայիս լավագույն ռմբարկուի նվաճումը 1980/81 թվականների մրցաշրջանում կրկնել էր «Բավարիա»-ի հարձակվող Կարլ Հայնց Ռումենիգեն:
