Նիդերլանդների ազգային հավաքականի ֆուտբոլիստ Կլաս-Յան Հունտելարը մասնակցել է Nike ընկերության գովազդային հոլովակում: BetterWorld գովազդային գործակալությունը հիմնական շեշտադրումը կատարել է շրջակա միջավայրի պահպանությանն ուղղված ամերիկյան արտադրողի ջանքերին:
Այս ծրագրի կիրառման պահից արդեն հաջողվել է 115 մլն պլաստիկ շշեր վերամշակել` ֆուտբոլային հանդերձանք ստեղծելու համար: Այսինքն՝ ֆուտբոլային համազգեստի յուրաքանչյուր կոմպլեկտի համար կիրառվել է 13 վերամշակված պլաստիկ շիշ:
«Ես մասնակցել եմ Nike Better World-ի նկարահանումներին, քանի որ կարևորում եմ շրջակա միջավայրի պահպանության գաղափարը` որքան այն մաքուր լինի, այնքան ավելի լավ կլինի իմ և ընդհանրապես բոլոր երեխաների համար: Բնությանն օգնության ձեռք մեկնելը նշանակում է հնարավորություն ունենալ հիանալու նրանով ավելի երկար ժամանակ»,- նկարահանումներից հետո լրագրողներին հայտնել է գերմանական «Շալկե-04»-ի հարձակվող Հունտելարը:
